Das Gästebuch für die Schüler und Schülerinnen der Fahrschule Cinzia

Kommentare: 24
  • #24

    Katja (Montag, 26 Juli 2021 19:26)

    Liebi Cinzia

    Du hesch en super Job gmachd! Vo VKU bis zu de letscht Fahrstund han ichs mega toll gfunde!
    Du hesch e grosses wüsse wo du de Schüeler verständlich erkläre chasch. Ich danke dir für dini Zit und wür immer wieder zu dir i d Fahrstund cho!

  • #23

    Laura (Donnerstag, 24 Juni 2021 19:26)

    Liebi Cinzia

    Viele liebe dank für di toll Zit bidir ide Fahrschuel! Egal ob im VKU oder ide Fahrstund, du hesch super Tipps parat gha und es het immer mega spass gmacht. Dank dinere geduldige und offene art hani mi immer uf d Fahrstund chöne froie und ha mi währenddesse sehr wohl gfühlt. Phalt das alles so bi, den so isches super!
    Ich wünsch dir alles alles gueti und no ganz viel tolli Schüeler!

  • #22

    Nathalie (Dienstag, 22 Juni 2021 21:29)

    Liäbi Cinzia, viilä liäbi Dank für dini Unterstützig idä letschte Paar Mönet. Ich bin so happy, dass ich diä Fahrprüäfig gschafft han.
    Du hesch ganz e geduldigi, motivierendi Art und hesch mir d‘Angst vorem Fahre chönä neh. Du hesch mich super unterstützt und fest a mich glaubt. Ich han mich immer sehr wohl und verstandä gfühlt bi dir und han würklich Freud am Fahre übercho.
    Ich wünsche dir wiiterhin ganz viil Freud bidä Arbet und schöni Fahrstunde!

  • #21

    Ada (Dienstag, 15 Juni 2021 09:13)

    Liebe Cinzia
    Ich bin so glücklich, dass ich bei Dir die Fahrschule machen durfte. Ich habe bei jeder Fahrstunde Spass gehabt und der VKU war auch sehr interessant und hilfreich. Ich konnte so viel lernen. Danke für Deine Unterstützung, für die Glaube an mich, für die Geduld und natürlich Dein Wissen was Du weiter gibst. Ich wünsche Dir weiterhin tolle Schüler und Spass bei Deiner Arbeit, die Du mit so viel Liebe und grossem Herzen machst. Nochmals vielen vielen Dank für alles. Ich habe echt grosse Freude gehabt.
    Ganz liebe Grüsse, Ada

  • #20

    Rahel B. (Donnerstag, 13 Mai 2021 11:55)

    Liebi Cinzia
    Danke vielmal für die paar Fahrstunde wo ich han derfe mit dir ha. Es het mir immer sehr viel spass gmacht. Au im VKU isches ned langwilig worde und mer het viel könne mitneh. Danke für alles!

  • #19

    Janine E. (Freitag, 07 Mai 2021 16:23)

    Liebi Cinzia
    Herzliche Dank für die tolle und lehrriche Fahrstunde mit dir! Ich han mich jedesmal mega ufd Fahrstunde gfreut und finds fascht schochli schad dasi bestande han ;) Für dini flexibli Fahrstundeziite bini sehr dankbar gsi. Durch dini geduldig, motivierend und ufgstellti Art han ich mich immer sehr wohl gfühlt! Ich wird dich uf jedefall witerempfehle und wünsche dir alles gueti fürd Zuekunft!
    Liebs Grüessli Janine

  • #18

    Reist (Dienstag, 04 Mai 2021 12:28)

    Der VKU war sehr lehrreich und abwechslungsreich, die Zeit ging sehr schnell herum

  • #17

    Philip Baader (Dienstag, 04 Mai 2021 09:10)

    Danke Cinzia für die guten Fahrstunden. Sie hat mich sehr gut für die Fahrprüfung vorbereitet und ich könnte beim ersten Mal bestehen. Die Stunden haben immer sehr Spass gemacht und ich könnte mich mit Cinzia sehr gut verstehen.

  • #16

    Laura Ruckstuhl (Dienstag, 23 März 2021 08:45)

    Danke a d Cinzia für die paar super Fahrstunde. Sie isch toll und ufgstellt und gaht uf Wünsch sehr gern ih. Flexibli Ziitä bütet Sie au ah was mirs chli eifacher gmacht het nebetem schaffe. VKU hani au gad bi Ihrä gmacht toll gsi wük! Danke viel Mal Cinzia, chan dich wük nur wiiterempfelä��

  • #15

    Ismail Lüthy (Mittwoch, 27 Januar 2021 06:27)

    Super guter fahr Lehrer würde ich nur weiter empfehlen. :)

  • #14

    Lara (Dienstag, 22 Dezember 2020 12:47)

    Liebi Cinzia
    Für dini tolle, lehrriiche Fahrstunde möcht ich dir danke. Da du mir empfohle worde bisch und e super arbet gleistet hesch tuen ich dich au gern wiiterempfehle. De VKU Kurs isch ebefalls sehr interessant und abwechsligsrich gsii. Viele Dank für alles liebi Cinzia.

  • #13

    Sina (Sonntag, 20 Dezember 2020 15:28)

    Liebi Cinzia,
    Danke dir viel male für die lehrriche, abwechsligsriche und lustige Fahrstunde. Bin sehr froh, dassi zu dir id Fahrstunde han deffe cho.Wirde dich ufjedefall wiiterempfehle, denn dini Art wie dus fahre bibringsch isch eifach genial und motivierend!:D

  • #12

    S.Redburn (Montag, 07 Dezember 2020 19:02)

    Ich han vor zwei Jahr agfange Autofahre lerne und has endlich gschafft. Für mich gits niemert bessers Als d Cinzia als Fahrlehrerin. Ich han dur Gsundheitlichi unterbrüch es paar mal nöd chöne witter mache, dur das han ich au 2 jahr brucht. D Cinzia isch e liebevolli , flexibli und vorallem mega geduldigi Fahrlehrerin. Ich möcht alli ermuetige wo müäh händ bim sache lärne und viel zit bruched, und natürli au alli andere. Bi de Cinzia sind ihr i beste Händ. Danke viel viel mal! Ich bin begeisteret. Für mich sind das die 2 beste Jahr xi. Au wenn ich sehr lang gha han und ich bi erlich , ich ha scho paar mal innerlich denkt jetzt gibi den uf. Aber d Cinzia isch immer hinder mir gstande. Sie het mich motiviert und mit mir bis zur Prüäfig alles gä. Vo ganzem Herze isch Sie debi! Dä Isatz vo de Cinzia het mir so Muet gmacht ohni Sie het ich ufgä. Mercii viel mal für alles Cinzia! In liebi S.Redburn

  • #11

    Maria (Samstag, 05 Dezember 2020 19:34)

    Liebi Cinzia
    I danke dir viel mol für die tolle Fahrstunde! Es isch immer mega läss gsi met dir u i ha viel chene lerne! Au de VKU isch läss gsi! Danke dir eifoch für alles!

  • #10

    Jill (Dienstag, 13 Oktober 2020 12:00)

    Vielen Dank für die lehrreichen und gesprächigen Fahrstunden! Ich habe die Zeit sehr genossen und habe dich als Fahrlehrerin sehr geschätzt. Danke für deine Geduld und deine positive Art. :D

  • #9

    Ceren (Dienstag, 29 September 2020 21:54)

    Liebe Cinzia
    Herzlichen Dank für deine Unterstützung und deine Geduld.
    Dank deiner kompetenten und geduldigen Art habe ich mich in den Fahrstunden immer sehr wohl gefühlt. Beim Nothelferkurs und beim VKU hast du mir alles genau und verständlich erklärt. Auch deine Flexibilität bezüglich den Fahrstunden wusste ich immer zu schätzen. Ich bin sehr glücklich, die Fahrprüfung beim ersten Mal bestanden zu haben. Nochmals vielen Dank für deine wertvollen Tipps. Ich würde dich jederzeit als Fahrlehrerin weiterempfehlen.
    Alles Liebe
    Ceren

  • #8

    Alisha (Mittwoch, 01 Juli 2020 17:23)

    Liebi Cinzia
    Danke viel mal für die tolli und lehrrichi Fahrstunde. Ich ha viel bi dir glernt und debi hemmers au echli luschtig gha. Au in VKU bin ich gern zu dir gange. Dini Tipps bim fahre hend mir mega ghulfe. Du hesch viel Geduld und bisch e tolli, liebi Person, wo mer nur wiiterempfehle cha!
    Alles gueti und liebi Grüess

  • #7

    Jessica (Mittwoch, 18 März 2020)

    Liebi Cinzia
    Ich möcht mich ganz herzlich bedanke bi dir für die tolle & lehrrichi Fahrstunde! Ich han jedi Fahrstund mit dir gnosse & mir hends immer lustig mitenand gha. Au de VKU isch sehr spannend gsie und han au dete sehr viel glernt. Du bish eh mega cooli & liebi Person & hesh sehr viel Geduld. Ich wird dich uf jedefall witerempfehle! Viele Dank für die toll ziit. Liebs Grüessli

  • #6

    Lynn (Samstag, 26 Januar 2019 17:10)

    Liebi Cinzia
    Danke viel viel mal für die tolli Ziet. Han jedi einzelni Fahrstund bi dir richtig gnosse. Es isch immer lustig gsi und ich han viel chönne lerne. Mit dinere ufgstellte und tolle Art, bini jedes mal vo dinere Motivation ahgsteckt worde und han bi dine super Tipps und Tricks (Parkiere, Schalte, ...) viel chöne profitiere und mitneh. Du bisch eh super Fahrlehrerin mit viel Geduld und grossem Wüsse und nume wieter z’empfehle. Ich bin froh, das ich bi dir ide Fahrstund glandet bin und hetti mer niemert bessers chöne vorstelle. Danke für alles.
    Ganz liebi Grüess

  • #5

    Sabrina (Freitag, 21 September 2018 17:19)

    Liebi Cinzia
    Viele Dank für de lehrrichi und spannendi VKU woni bi Dir ha dörfe mache! Dini Art de Unterrichtsstoff z‘erkläre und dis Wüsse ah eus wiiter z‘gä isch super. Du nimmsch dir Ziit für all eusi Frage, so dass au jede am Schluss alles verstande het. Und dur dini sympathischi und herzlichi Person sind die Stunde so schnell dure gange. Ich chan Dich nur jedem empfehle, ob für de VKU oder dini Fahrstunde.
    Liebi Grüessli Sabrina

  • #4

    Simone (Montag, 18 Juni 2018 11:51)

    Liebi Cinzia
    Ich bedanke mich ganz herzlich bi dir für die super Fahrstund bi dir. Ich bin froh hanich derfe zu dir id Stunde cho. Ich bin zwar chli en andere Fall gsi aber bin froh hesch du mich so motiviert dasichs durezoge han bis zude letschte Prüefig. Du hesch mir sehr viel Hoffnige geh. Danke viel mal für das und ich chan dich also au nur wiiter empfehle sonen geduldigi und liebi Person wie du bisch. Liebi Grüess Simone

  • #3

    Juliette (Donnerstag, 14 Juni 2018 19:10)

    Liebi Cinzia
    Danke viel mal für die lehrriche und immer lustige Fahrstunde bi dir. Ich ha immer sehr viel glernt und bi froh, dass du mir alles so guet hesch chöne erchläre.
    Au de VKU wo ich bi dir ha derfe bsueche, isch würkli super gsi. Ich het nöd denkt, dass ich det so viel lern! Vor allem han ich das Wüsse aber chöne bhalte, was sicher dra lieht, wie eim de Inhalt vermittlet worde isch. Du hesch e mega tolli Art zum eim d Sache bibringe und chasch super erchläre, sodass alli am Schluss drus chömed.
    Danke für die tolli zit! Ich hoff du hesch na ganz viel Fahrschüeler und wird dich gern witerempfehle.
    Ganze liebi Grüess :)

  • #2

    Tabea (Montag, 21 Mai 2018 12:42)

    Liebi Cinzia,
    Ich danke Dir das Du mir s Autofahre bibracht hesch. D Fahrstunde bi Dir hend immer sehr viel spass gmacht und au das mir immer öpis neus glernt hend hani mega guet gfunde. Ich danke Dir das Du mir au alles nammal in rueh erklärt hesch wenni bi öpisem nonnig ganz drus cho bin oder wenni na frage gha han.
    Als Fahrlehrerin chan ich Dich nur witer empfehle Du bisch sehr ufmerksam und e richtig symphatischi Person. Ganz liebi Grüess und mach wieter so! :D

  • #1

    Rabia (Montag, 26 Februar 2018 03:09)

    Liebi Cinzia�
    Danke das ich d'Fahrstunde ha derfe mit dir mache. Du bisch e ganz liebi und sympatischi Person. Mit dir fahrt me eifach gern�. Es hät mir sehr Spass gmacht und ha au viel glernt i dem churzi ziit. Du erklährsch sehr guet und gnau, drum chani di nur witter empfehle! Blieb so wie du bisch, lüüt bruchet Lehrerine wie dich� Ganz liebi Grüessli

So findet Ihr mich

Fahrschule Cinzia                              Fahrschule Cinzia                                

Attikerstraße 9                                   Dorfstrasse 46/48

8546 Menzengrüt                              8546 Kefikon 

 

Tel:     044/836`31`78

Natel: 079/717`55`34